Logo

የ97ቱ የቅንጅት ህዝባዊ ጥሪ

May 5, 2016

ጥቅምት 17 ቀን 1998 ዓ.ም. የቅንጅቱ ም/ቤት ተሰብስቦ አቶ ልደቱና አቶ ሙሼን ከቅንጅቱ ካበረረ በኋላ፣ ዶ/ር ብርሃኑ ነጋ አስራ አምስት ቀን ፈጅተው ባዘጋጁት ሰነድ ላይ መወያየት ጀመረ። ሰነዱ የሕዝባዊ ተቃውሞ ጥሪን በሚመለከት የነበረ ሲሆን ቅንጅቱ በዚሁ ዶ/ር ብርሃኑ ባዘጋጁት ሰነድ ይዘት ላይ ከተነጋገረ በኋላ በሙሉ ድምፅ አጸደቀው። ከህዝባዊው ጥሪ መካከል “ጡሩንባ ንፉ፤ እሳት አትጫጫሩ” የሚል ይገኝበታል።
ይሁን እንጂ ህዝባዊ ጥሪው ከፍተኛ የፖለቲካ ቀውስ በማስነሳቱና ሰዎችም ከጸጥታ ሀይሎች ጋር ግጭት እየፈጠሩ በህይወት ላይ አደጋ መድረስ ጀመረ።
ኢሀአዴግ በቅንጅት አመራሮች ላይ እንደነገ የእስር እርምጃ ሊወስድ መሆኑ እንደታወቀ ዶ/ር ብርሀኑ ጥቅምት 19 ቀን፣ በቀስተደመና ስም በተጻፈ ደብዳቤ እኛ የለንበትም የሚል ማስተባበያ ቢያወጡም፣ የጻፉት ደብዳቤ ለጋዜጦች ህትመት ሊደርስ አልቻለም። አመራሮቹም ታሰሩ።
በወቅቱ ዶክተሩ ለምን በመጨረሻው ሰአት ሀሳባቸውን እንደቀየሩና ለምንስ ወደ ቅንጅቱ ተቀላቅሏል የተባለውን የቀስተደመና ፓርቲ ስም መጠቀም እንደፈለጉ ግልጽ ባይሆንም ህዝባዊ ጥሪውን ተከትሎ በጣም ብዙ ሰዎች ህይወታቸውን አጥተዋል። እልቂቱም የ97 ጭፍጨፋ ተብሎ ይታወቃል።
ከታች የሚታየው ደብዳቤ ቀስተደመና አውጥቶት የነበረው ደብዳቤ ነው።

Birhanu Nega

Share