Logo

የቅንጅትን ታሪክ ዞር ብለን እንቃኝ!!

May 16, 2020

በገለታ ጋሞ

“ህዝብ ድምፁን ከተቀማ እንደ ዩክሬን እና ጆርጂያ ድምፁን ያስመልሳል” ይህንን የተናገረው ልደቱ አያሌው ነበር።

የህዝብ ድምፅ ስለተቀማ የፖለቲካ ሂደቱ ከእጃችን ሳይወጣ አጠቃላይ ሰልፍ ባስቸኳይ እንጥራ ብሎ አቶ ልደቱ ሲከራከር ብርሃኑ በምርጫ ቦርድ ማጣራት፣ ፍ/ቤት፣ የሰላም ስምምነት ….ወዘተ እያለ የትግሉን ግለት አቀዘቀዘው።
ልደቱ ከህወሃት ጋር አሁን መደራደር አያስፈልግም ሲል በረከት ስምዖን ቃሉን ሰጥቶኛል ብሎ ሌሎቹን የቅንጅት አመራሮች በልደቱ ላይ እንዲያምጹ ያደረገው ብርሃኑ ነበር።

በመሃከሉ በምርጫ መሸነፋቸውን አውቀው ሻንጣ ይዘው የተነሱት ህወሃቶች ተመልሰው ራሳቸውን አደራጅተው ተረጋጉ። ህዝቡም ከሁለት ወር በላይ ጥበቃ በኋላ ተዳከመ። ህዝብ ተዳክሞ ህወሃት ከተጠናከረች በኋላ እነ ብርሃኑ የሰሩት ስራ እንዳይነቃ ፓርላማ አንገባም አሉ። ህዝቡን ሰላማዊ ሰልፍ ውጣ አሉ።

ያኔ ልደቱ አሁን ጊዜው አልፏል። እድላችንን ተነጥቀናል ህዝብን ያለምክንያት አናስገድል አለ።
የገነባውን ሁሉ ቢያፈርሱበትም፣ እሱን ቢያሳድዱትም፣ በሚችለው ለህዝቡ ጥቅም መታገል ጀመረ።
ያለን እድል የያዝናትን መቀመጫ ይዘን አዲስ አበባን ተረክበን፣ ፓርላማ ገብተን ህዝቡን እያገለገልን ራሳችንን ማደራጀት ነው አለ።
አይሆንም አሉ። አዲስ አበባን መረከብ የለብንም ብለው የመረጣቸውን ህዝብ ከዱ።

ወያኔ ከተደራጀች በኋላ ህዝቡን ውጣ ብለው አስጨረሱት።

ልደቱ በሁለቱም ጊዜ ትክክል ነበር።

ትክክል የሆነበት ምክንያት ነበረው። አንድ ማሽን እንዴት እንደሚሰራ የበለጠ የሚያውቀው መሽኑን ከመጀመሪያ የሰራው ነው። የቅንጅትን እንቅስቃሴ ለብዙ ዓመታት ልደቱና ጓደኞቹ ሲደውሩ ነበረ። ከገጠር ጀምሮ። ከመኢአድም ጋር ጸባቸው ይሄው ነበር። በኋላ ግን መኢአድም ኢዴፓ በቀየሰውና ቅንጅት ሙሉ በሙሉ በተመሰረተበት መሰረት ላይ መጣ። የቅንጅት አርክቴክቶች እነ ልደቱ ነበሩ እንጂ በመጨራሻ ሰዓት የመጡት የድል አጥቢያ አርበኞች አልነበሩም።

እነ ብርሃኑ መኪናው የተዘጋጀ ሲመስላቸው ዘለው ሾፌሩ ቦታ ላይ ተቀምጠው እነ ልደቱን እናንተ ምንም አታውቁም እኛ ነን የምንነዳው ብለው አባረው ያ ሁሉ ድካምና መስዋዕትነት የተከፈለበትን እንቅስቃሴ ገደል ውስጥ ከነተሳፋሪው ከተቱት። ከዛ እንዳይነቃባቸው ልደቱ ላይ አሳበቡ።

ዛሬ ከ13 ዓመት በኋላ የተደገመው እነ ልደቱ የጀመሩት የግራስሩት የማደራጀት ስራ ነው፣ ያውም ባልተቀናበረ መልኩ ስለሆነ ብዙ መስዋዕትነት እየተከፈለበት።

ተያያዥ

የ97ቱ የቅንጅት ህዝባዊ ጥሪ

Share

One comment on “የቅንጅትን ታሪክ ዞር ብለን እንቃኝ!!

  1. አይ ወንድሜ፤ የሚሰማ ጆሮ፣ የሰከነ ልቦናና የሚያገናዝብ አይምሮ ያለው ሕብረተሰብ ሲኖር እኮ ነው እውነትን መናገርም ሆነ መፃፍ የሚጠቅመው ። እንግዲህ እውነታው ሲፃፍም ሲነገርም ይኸው ፩፭ ዓመት ሆነው። ነገር ግን መንጋው ካልቧልተኞችና ካታላዮች ውጭ ማመን አልችልም ብሎ በተሳሳት መንገድ እየነጎደ ይገኛል።

Leave a Reply

Your email address will not be published.

This site uses Akismet to reduce spam. Learn how your comment data is processed.