Logo

“ኦቢኤን ለኦሮሞ ትግል ከጅማሬው መሰረት ሆኖ ዛሬ ለተገኘው ውጤት ድርሻ ያበረከተ ነው”- ጠቅላይ ሚኒስትር ዶ/ር አብይ አህመድ

Abiy Ahmed
June 29, 2020

አዲስ አበባ ፦ የኦሮሚያ ብሮድካስቲንግ ኔትዎርክ ለኦሮሞ ትግል ከጅማሬው መሰረት ሆኖ ዛሬ ለተገኘው ውጤት የራሱን ድርሻ ያበረከተ የሚዲያ ተቋም መሆኑን ጠቅላይ ሚኒስትር አብይ አህመድ አስታወቁ ። ተቋሙ በ360 ሚሊዮን ብር ወጪ ተንቀሳቃሽ ዘመናዊ ስቱዲዮ፣ ሶስት የኤፍ ኤም ስቱዲዮና የአፍሪካ ቀንድ ሁለተኛ ቻናሉን አስመረቀ ።

ጠቅላይ ሚኒስትር አብይ አህመድ በምረቃው ሥነሥርዓት ላይ ተገኝተው ባስተላለፉት የእንኳን ደስ አላችሁ መልዕክታቸው፣ ኦቢኤን ለኦሮሞ ትግል ከጅማሬው መሰረት ሆኖ ዛሬ ለተገኘው ውጤት የራሱን ድርሻ ያበረከተ ነው ። በኦሮሞ ስም የተቋቋሙ አብዛኞቹ የሚዲያ ተቋማት ከኦቢኤን ሃሳብ የመነጩና የተገነቡ መሆናቸውን አስታወቁ።

በመጀመሪያ ደረጃ የሬዲዮና የቴሌቪዥን ሃሳብን ከተከበሩ አባዱላ ገመዳ ጋር ቁጭ ብለን ስንወያይ የኦሮሞ ህዝብ የራሱ ሬዲዮና ቴሌቪዥን እንዲኖረን አይደለም ያሉት ጠቅላይ ሚኒስትሩ፣ ከዛ ይልቅ የኦሮሞ ቋንቋ ማደግና መጎልበት አለበት፣ የአሮሞ ባህል ከኦሮሞ ሕዝብ አልፎ እንደ ሀገር መታወቅና መለመድ አለበት ብለን ነበር ብለዋል ።

የኦሮሞ ህዝብ የራሱ ባህል ፣ ወግና ስርዓት በመገንባት አሁን ካለበት ችግርና ጭቆና መውጣት የሚችለው ኦሮሞን አንድ ማድረግ እንደሚያስፈልግ ፣ለዚህ ተግባር አስፈላጊውና ዋነኛው መሳሪያ ደግሞ ሚዲያ ነው ብለን በማመናችን ነበርም ሲሉ ተናግረዋል ፡፡

በኦሮሚያ ውስጥ ትልቅ ሃሳብ ከግብ ሊደርስ እንደሚችል በማመን ወደ ስራ ሲገባ ከውስጥም ከውጭም ጫናዎች ነበሩ፡፤ ይህ ያስፈልጋል ወይ፣ ለዚህ ወጪ ማውጣት ተገቢ ነው ወይ እስከማለት ተደርሷል ነበር ያሉት ጠቅላይ ሚኒስትሩ ፣ የሽቦ አንቴናዎችን በመትከል፣ ካሜራ በመለመን ስራው እንደተጀመረ ጠቁመዋል ፡፡

ዛሬም ቢሆን የኦሮሞ ህዝብ የረጅም ጊዜ ጥያቄዎቹን መልሶ በኢኮኖሚው ጎልብቶ፣ በፖለቲካው ጎልብቶ ማንነቱ ለዓለም ህዝብ ማስተዋወቅ የሚችለው ስናወራ ብቻ ሳይሆን ለትውልድ ሊሻገር የሚችል ስራ መስራት ሲቻል ብቻ እንደሆነ አመልክተዋል ፡፡

ዛሬ ላይ ኦሮሚያ ብሮድካስቲንግ ኔትወርከ ከሀገር አልፎ በምስራቅ አፍሪካ ደረጃ የምስራቅ አፍሪካን ጉዳይ የሚናገር፤ ትልቅ ተልዕኮ ያለው፣ ቁጥራቸው ስምንት መቶ የሆኑ ነገር ግን ልባቸው ስምንት ሺህ የሆኑ ጀግኖችን በውስጡ የያዘና ሀሳቡን ከግብ ለማድረስ አንዳችም ነገር እንደማያቆመው በተጨባጭ መሬት ላይ ማሳየት የቻለ የሚዲያ ተቋም ነውም ብለዋል፡፡

ከዛሬ 14 ዓመት በፊት የኦሮሞ ህዝብ የራሱ ሚዲያ እንዲኖረው ፤ በሀገር ውስጥ ማሰራጨት እንዲችል መሰረት ሆኖ ትግሉን ያስጀመረው የክልሉ መንግስት ለኦሮሞ ህዝብ በማሳየትና ለሌሎችም ዋልታ የሆነ ሚዲያ ነው፡፡

ሃሳባችን ትልቅ ነው ያሉት ጠቅላይ ሚኒስትር ዶ/ር አብይ አህመድ ፣ ሀሳባችን በምስራቅ አፍሪካ ላይ ብቻ ተገድቦ የሚቀር አይደለም፡፤ በመላው አፍሪካ ሀሳባችን ፣ ባህላችንና ወጋችንን ማስፋፋት አለባቸው ብለዋል

Source Ethiopian Press Agency

Share

One comment on ““ኦቢኤን ለኦሮሞ ትግል ከጅማሬው መሰረት ሆኖ ዛሬ ለተገኘው ውጤት ድርሻ ያበረከተ ነው”- ጠቅላይ ሚኒስትር ዶ/ር አብይ አህመድ

  1. “ዛሬም ቢሆን የኦሮሞ ህዝብ የረጅም ጊዜ ጥያቄዎቹን መልሶ በኢኮኖሚው ጎልብቶ፣ በፖለቲካው ጎልብቶ ማንነቱ ለዓለም ህዝብ ማስተዋወቅ የሚችለው ስናወራ ብቻ ሳይሆን ለትውልድ ሊሻገር የሚችል ስራ መስራት ሲቻል ብቻ እንደሆነ አመልክተዋል ፡፡”

    ሌላው ህዝብ የማይመለከተው የኦሮሞዎች ብቻ የሆነ ጥያቄ ምን ይሆን?

Comments are closed