Logo

የአውሮፓ ህብረት የታዛቢ ቡድን የኢዴፓን አመራር አነጋገረ

April 18, 2010

source – ethiopiandemocraticparty-edp.org

በአገራችን ግንቦት 15 ቀን 2002 ዓ.ም የሚካሄደውን አገር አቀፍ ምርጫ ለመታዘብ የመጣው የአውሮፓ ህብረት የታዛቢ ቡድን የኢዴፓን አመራር ማነጋገሩን ከስፍራው የደረሰን ዜና አመለከተ።

የአውሮፓን ህብረት የታዛቢ ቡድን የሚመሩት ሚስተር ቲ-በርማን እና ሌሎች የቡድኑ አባላት ከኢዴፓ አመራር ጋር የተገናኙት ዓርብ ዕለት ከሰዓት በኋላ መሆኑ ታውቋል። የልዑካን ቡድኑ መሪ በዚሁ ወቅት ባደረጉት ንግግር ተቃዋሚ ፓርቲዎችን ተራ በተራ እንደሚያነጋግሩ ጠቅሰው፣ ይህንኑ ተግባር በኢዴፓ መጀመራቸውን አስታውቀዋል።

የታዛቢ ቡድኑ የምርጫውን ሂደት፣ ዴሞክራሲያዊነትና ዓለም አቀፍ ደረጃውን የጠበቀ መሆኑን እንደሚከታተልና በሚያደርገውም እንቅስቃሴ የፖለቲካ ፓርቲዎች ጋር የቅርብ ግንኙነት በማድረግ ስራውን እንደሚያከናውን አስታውቋል።

በኢዴፓም በኩል ምርጫው ነፃ፣ ፍትሀዊና በመራጩ ህዝብ ዘንድ ተቀባይነት ያለው እንዲሆን የበኩሉን ድርሻ እየተወጣ መሆኑን ጠቅሶ፤ እስከ አሁን በተደረገው እንቅስቃሴ አልፎ አልፎ መለስተኛ ችግሮች ያጋጠሙ መሆኑንና እነዚህንም ችግሮች በተፈጠረው የፓርቲዎች ምክር ቤት በኩል እየተመካከሩ ለመፍታት ጥረት መደረጉን አስታውቋል።

Share

2 comments on “የአውሮፓ ህብረት የታዛቢ ቡድን የኢዴፓን አመራር አነጋገረ

  1. የልዑካን ቡድኑ ከሌሎች ተቃዋሚዎች አስቀድሞ የኢዴፓን አመራር ማነጋገሩ ከዲፕሎማሲ አኳያ ትልቅ ትርጉም አለው። እነ መድረክ፣ እነ አንድነት፣ እነ መኢአድ… “ትልልቆቹ ፓርቲዎች እኛ ነን” እያሉ ዱብ እንቅ ቢሉም፤ ከፕሮፓጋንዳ ሳይሆን ከዲፕሎማሲ አኳያ ትልቁ ፓርቲ ኢዴፓ መሆኑ ተረጋገጠ!!!

Comments are closed