Logo

ኢዴፓ በባህርዳርና በጐንደር ውጤታማ ስብሰባ አካሄደ

April 20, 2010

source http://ethiopiandemocraticparty-edp.org

የኢትዮጵያውን ዴሞክራሲያዊ ፓርቲ (ኢዴፓ) ግንቦት 15 ቀን 2002 ዓ.ም ለሚካሄደው አገር አቀፍ ምርጫ የሚያደርገውን የምረጡኝ ቅስቀሳ አጠናክሮ በመቀጠል፤ በአማራ ክልል በባህርዳር እና በጐንደር ከተሞች እጅግ ውጤታማ የሆነ ስብሰባ ማካሄዱን ከስፍራው የደረሰን ዜና አመለከተ፡፡

የኢዴፓ የህዝብ ግንኙነት ሊቀመንበር የተከበሩ አቶ ደረጀ ደበበ ከስፍራው በላኩልን መረጃ መሰረት፣ ቅዳሜ ሚያዝያ 9 ቀን 2002 ዓ.ም በባህርዳር ከተማ በሙሉዓለም የመሰብሰቢያ አዳራሽ በተካሄደው ስብሰባ የባህርዳርና የአካባቢው ነዋሪዎች ተገኝተዋል፡፡ በዕለቱ በስብሰባው የተገኘው ህዝብ ከ1500 በላይ መቀመጫ ያለው የሙሉ ዓለም አዳራሽ በመሙላቱ በግቢው ውስጥ ሆኖ ስብሰባውን ሲከታተል እንደነበር አቶ ደረጀ አስታውቀዋል፡፡ “በምርጫ 97 ከነበረው የበለጠ የህዝብ ተሳትፎ የታየበት ነው” ሲሉ አቶ ደረጀ ጨምረው ገልፀዋል፡፡

በተመሳሳይ ሁኔታ ዕሁድ ሚያዝያ 10 ቀን 2002 ዓ.ም በጐንደር ከተማ የሲኒማ አዳራሽ ኢዴፓ በጠራው ህዝባዊ ስብሰባ፣ በጐንደር ከተማና አካባቢው ነዋሪ የሆኑ በርካታ የህብረተሰብ ክፍሎች መገኘታቸውን አቶ ደረጀ ደበበ ገልፀዋል፡፡

ኢዴፓ በሁለቱ ከተሞች ባደረገው ህዝባዊ ስብሰባ የተገኘው ህዝብ በንባብ የቀረበውን የኢዴፓን ማንፌስቶ ካዳመጠ በኋላ ልዩ ልዩ ጥያቄዎች በማቅረብ ከኢዴፓ አመራር ምላሽ ተሰጥቶታል፡፡ በመጨረሻም ህዝቡ ለኢዴፓ ያለውን ድጋፍ ገልጾ፣ “ኢዴፓ የዛሬውም የወደፊቱም ፓርቲ ስለሆነ ብቸኛ አማራጫችን ነው” የሚል አስተያየት መስጠቱን አቶ ደረጀ ጨምረው ገልፀዋል፡፡ (የስብሰባውን ሂደት የሚያሳዩ ፎቶግራፎች እንደደረሱን እናቀርባለን)

Share

6 comments on “ኢዴፓ በባህርዳርና በጐንደር ውጤታማ ስብሰባ አካሄደ

  1. Bravo EDP!!! Keep on you are our hope.
    Truth is coming out and you will get more and more strength while others dissolve.

  2. EDP,you are our hope for the next generation’s Ethiopia.
    continiue your struggle ,not for yourself but Ethiopia.
    please,have your own website and post your adresses. Many people includng me want to work with u.
    Lidetu,Thankyou! Thankyou! Thankyou For your book”medlot”.It is realy medlot!!!!
    I Wonder U
    long live Ethiopia!!

  3. Bravo EDP!
    EDP shall win!!
    Please try to inform your website in all the opportunities you have.During your interview or debate too.So people will have opportunity to know. Just say it (write it ) in every nterview. Good luck ! We are with you !!!!!111

  4. Congradulations !!!
    Truth is a winner.Those who stands for truth,democracy,unity and development will vote to EDP!!

Comments are closed