Logo

መንግሥት ኢትዮጵያውያንን ከሊቢያ ለማስወጣት ዝግጅቴን ጨርሻለሁ አለ (ሪፖርተር)

March 2, 2011

አምባሳደር ዲና እንዳሉት፣ በሊቢያ ካሉ ኢትዮጵያውያን ተወካዮች ጋር እየተወያየን ነው፡፡ በዚያ ያሉ ዜጐቻችንም መንግሥት እያደረገ ያለውን ጥረት ያውቃሉ፡፡ በሊቢያ አሁን አውሮፕላን መጠቀም ስለማይቻል መንግሥት በዚያ የሚገኙ ኢትዮጵያውያንን በመርከብ ለማውጣት ዝግጅቱን ጨርሷል፡፡ አምባሳር ዲና አክለውም፣ መንግሥት በአጭር ጊዜ ውስጥ በሊቢያ የሚገኙ ዜጐቻችንን ያስወጣል ብለዋል፡፡

‹‹በቱኒዚያ ችግር እንደተከሰተ ወደ ሌሎቹ የዓረብ አገሮች ይዛመታል የሚል ግምት በመኖሩ በውጭ ጉዳይ ሚኒስቴር በኩል ሰፊ ውይይት ካደረግን በኋላ፣ በእነዚህ አገሮች የሚገኙ የመንግሥት ተወካዮች እንዲዘጋጁ አድርገናል፤›› ያሉት አምባሳር ዲና፣ ‹‹የመንግሥት ተወካዮችም ለዜጐቻችን ምክር እንዲያስተላልፉ አድርገናል፡፡
በተጨማሪም ዜጐቻችን ሰላማዊ ሠልፎች በሚደረጉባቸው አካባቢዎች እንዳይገኙ መልዕክቶች አስተላልፈናል፤›› ብለዋል፡፡

አምባሳደር ዲና አክለውም፣ በሊቢያ የኢትዮጵያ ኤምባሲ ባለመኖሩና ኢትዮጵያውያን በአብዛኛው እዚያ ለመኖር ስለማይሄዱ ቁጥራቸው ምን ያህል እንደሆነ ለማወቅ አይቻልም ብለዋል፡፡

ባለፈው ሰኞ ኬንያ 90 ኬንያውያንና 61 የጐረቤት አገሮች ዜጐችን በአውሮፕላን በመጫን ከሊቢያ አስወጥታለች፡፡ በርካታ አገሮችም በሊቢያ ያሉ ዜጐቻቸውን በፍጥነት እያስወጡ ሲሆን፣ አሜሪካና ኔቶ በሊቢያ ላይ ወታደራዊ ዕርምጃ ይወስዳሉ የሚል ግምት አለ፡፡

source Reporter

Share

One comment on “መንግሥት ኢትዮጵያውያንን ከሊቢያ ለማስወጣት ዝግጅቴን ጨርሻለሁ አለ (ሪፖርተር)

  1. የኢትዮጱያ መንግስት እነዚህ ሊብያ የሚገኙ ዜጎቻችን በፍጥነት ሂወት የማዳን ስራ መስራት ይኖርበታል መክንያቱም እነዚህ ዜጎቻችን ለስራ ብለው ከኣገራቸው ወጥተው መቅረት የለባቸውም እና ይህንን በቂ ትክረት ተደርጎበት እንደ ሌሎች የተለያዮ ዜጎች ኢትዮጱያዊ ዜጋም በቸልተኝነት በሰው ሃገር መቅረት የለበትም እና በቂ ትኩረት ሰጥታቹሁ ዜጎቻቹሁ ተንከባከቡ በሉልኝ

Comments are closed