Logo

መድረክ ሀገር አቀፍ ማዋከብ ረደሰብኝ ሲል አማረረ

April 2, 2011

የኢትዮጵያ ዴሞክራሲያዊ አንድነት መድረክ (መድረክ) አባላቱ በተለያዩ የሀገሪቱ አካባቢዎች እየታሰሩ ያሉት ‘የተቃዋሚ ፓርቲ አባላት በመሆናቸው ነው’ ቢልም፣ በመንግስት በኩል ደግሞ ‘ሰዎች የተቃዋሚ ፓርቲ አባላት ስለሆኑ አይታሰሩም። የሚታሰሩት ተቃዋሚ ፓርቲዎችን ተገንና ከለላ አድርገው ከሌሎች የሽብር ኃይሎች ጋር አባሪ ተባባሪ ሆነው በመገኘታቸው ነው’ የሚል ምላሽ ተደጋግሞ ይሰማል።

ይህንን የመንግስት አባባል የሚያጣጥሉት አቶ ገብሩ አስራት ከአሜሪካ ድምፅ ሬዲዮ ለቀረበላቸው ጥያቄ በሰጡት ምላሽ “አባላቶቻችን ከሽብር ጋር ምንም ዓይነት ግንኙነት የላቸውም። ሽብር እየፈጠረ ያለው ራሱ ኢህአዴግ ነው” ማለታቸውን የሪፖርተራችን ዘገባ አመልክቷል።

የኢትዮጵያ ዴሞክራሲያዊ አንድነት መድረክ (መድረክ) ትናንት ባወጣው በዚሁ መግለጫው ላይ የአባላቱን መታሰርና መንገላታት ብቻ ሳይሆን፣ መንግስት በኢንቨስትመንት ስም እየሰጠው ያለውን መሬትም በተመለከተ “መቆም አለበት!” ሲል አስታውቋል። መድረክ አያይዞም “በኢንቨስትመንት ስም የተፈጥሮ ደን እየጠፋ ነው። መሬት በሊዝ ሰበብ ለ99 ዓመት ‘ነፃ’ በሚባል ዋጋ እየተቸበቸበ ነው። መልካም አስተዳደር የለም” በማለት እነዚህ ሁኔታዎች በአስቸኳይ እንዲቆሙ ጠይቋል ሲል የሪፖርተራችን ዘገባ ጨምሮ ገልጿል።

Share

2 comments on “መድረክ ሀገር አቀፍ ማዋከብ ረደሰብኝ ሲል አማረረ

  1. people please all things must go with his period never talk about oppsition at this moment this cannot bring us greatness the core thing that can bring us develeopment is enriching with transformation such like started now on abbay river after this we can see what going to be done on tha future
    thank as whole

  2. please you oposition party first develpment next poltics please avoid your power monger ambition stop your wrong doing abusing the nation if you contnue like this to be or to have lwhat you need will remain day dream

Comments are closed