Logo

የመኢአድ የህዝብ ግንኙነት ኃላፊ ጌታቸው ባያፈርስ ወደ አንድነት ፓርቲ መቀላቀላቸው ተሰማ

August 15, 2011

እስከ አለፈው ሳምንት የመኢአድ ላእላይ ምክር ቤት ስብሰባ ድረስ የመኢአድ የሕዝብ ግንኙነት ኃላፊ የነበሩት አቶ ጌታቸው፣ “የትምህርትና ቅስቀሳ ኃላፊ” የሚል አዲስ ኃላፊነት ከተሰጣቸው ከአምስት ቀናት በኋላ የመልቀቂያ ደብዳቤ ጽፈው ለመኢአድ አመራር ማቅረባቸውንና ወደ አንድነት ፓርቲ መቀላቀላቸውን የዜና ምንጮች ለኢትዮ ፋክት ዘጋቢ መግለጻቸው ታውቋል።

አቶ ጌታቸው ባያፈርስ ለመኢአድ አመራር በጻፉት የመልቀቂያ ደብዳቤ ላይ የለቀቁበትን ምክንያት በተመለከተ፣ “ከብርሃን ለአንድነትና ለዴሞክራሲ ፓርቲ እና ከአንድነት ፓርቲ ጋር ተጀምሮ ነበረው የውህደት ድርድር እንዲቋረጥ በመደረጉ” መሆኑን ሪፖርተራችን የላከልን ዘገባ አመልክቶ፣ ባለፈው ሳምንት በተደረገው የመኢአድ የላእላይ ምክር ቤት ስብሰባ ላይ በዚህ ጉዳይ ላይ ተቃውሞ ያቀረቡት ብቸኛ ሰው አቶ ጌታቸው እንደነበሩ አብራርቷል።

ከዚህ በተጨማሪ ለአቶ ጌታቸው መኢአድን መልቀቅ ምክንያት አድርገው ያቀረቡት፣ “በተበጣጠሰ መንገድ የሚደረገው ትግል ጊዜና ጉልበት ከማባከን ባለፈ ለኢትዮጵያ ሕዝብ ጠብ የሚያደርገው አንዳች ነገር የለም” ካሉ በኋላ፣ አቶ ጌታቸው አያይዘውም፣ “አሁንም ካለው አደረጃጀት፣ የፋይናንስና አጠቃላይ የአመራር ሁኔታ ጋር ውስጣችንን ስንገመግም፤ በተናጠል ትግሉን መርተን ገዢውን ፓርቲ ለማሸነፍ ከምንችልበት ደረጃ ላይ ነን ብሎ ማመን ራስን አለማወቅ ሆኖ አግኝቼዋለሁ” የሚል አስተያየት ለአንድ ጋዜጣ ሰጥተዋል ሲል ሪፖርተራችን ዘግቧል።

አቶ ጌታቸው ባያፈርስ በደቡብ ወሎ የቃሉ አውራጃ የመምህራን ማህበር ተወካይ ሆነው ሰፊ እንቅስቃሴ ያደርጉ እንደነበርና መኢአድን ከተቀላቀሉ በኋላ በ1997 ዓ.ም በተደረገው አገር አቀፍ ምርጫ ተወዳድረው ከኮምቦልቻ ከተማ ተመርጠው ላለፉት አምስት ዓመታት የፓርላማ አባል ሆነው ማገልገላቸውንም ሪፖርተራችን የላከልን መረጃ አመልክቷል።

በአሁኑ ወቅት ከመኢአድ አመራር አባላት የተሻለ የፖለቲካ ግንዛቤ ያላቸውን አቶ ጌታቸውን ወደ ፓርቲያቸው እንዲመለሱ ለማድረግ ለማነጋገር ቀጠሮ መያዙንና አለመግባባቱን በውይይት ለመፍታት በመኢአድ አመራር በኩል ጥረት እየተደረገ መሆኑን ሪፖርተራችን ጨምሮ ገልጿል።

Share

3 comments on “የመኢአድ የህዝብ ግንኙነት ኃላፊ ጌታቸው ባያፈርስ ወደ አንድነት ፓርቲ መቀላቀላቸው ተሰማ

  1. Do you think X-woyanes are better than Hailu? Thae leaders in “UDJ“ are Negasso ,Siye….. and the likes . UDJ is only the name . The former and real oposition activists left long ago. Ask where are,Tamrat, Mohammed Ali,Dr.Befekadu, Dr. Shemeles,Dr.Hailu, e.t.c. UDJ X-woyanes still with no change at all internally.

  2. These days we are lucky to laugh cheaply. Guys please take advantage of this offer. They say laughter has therapeutic roles.

Comments are closed