Logo

የመድረክ አመራርና አባላት ታሰሩ ተባለ

September 1, 2011

ከአቶ በቀለ ገርባ በተጨማሪ በዶ/ር መራራ ጉዲና የሚመራው የኦሮሞ ሕዝቦች ኮንግረስ (ኦሕኮ) የድርጅት ጉዳይ ኃላፊ የሆኑት አቶ ኦልባና ሌሊሳ መታሰራቸውንም የመድረክ የህዝብ ግንኙነት ኃላፊ አቶ አንዱዓለም አራጌ ለዜና ሰዎች መግለጻቸው ታውቋል።

የዜና ምንጮች እንደተናገሩት ከሆነ እነዚህ ሁለት የመድረክ አመራር አባላት የታሰሩት ቅዳሜ እለት ነው ተብሏል። ከነዚህ በተጨማሪ ሰባት የመድረክ አባል ድርጅቶች አባላት የሆኑ ግለሰቦች ሰኞ እለት መታሰራቸውን ሪፖርተራችን ያሰባሰባቸው ተጨማሪ መረጃዎች አመልክተዋል።

እነዚህ የመድረክ አመራርና አባላት የታሰሩበት ምክንያት ከመድረክ ጋር የተያያዘ ይሁን አባል ከሆኑባቸው ፓርቲዎች ጋር የተያያዘ ስለመሆኑ በመድረክ ጽ/ቤት ይሁን በታሳሪዎቹ ቤተሰቦች አለመታወቁን ሪፖርተራችን ጨምሮ ገልጿል።

ከላይ የተጠቀሱት ዘጠኙ የመድረክ አባላት ከተያዙ ከ48 ሰዓታት በላይ ያስቆጠሩ ሲሆን፣ እስከ አሁን ድረስ ፍርድ ቤት መቅረባቸውም ይሁን አለመቅረባቸው አለመታወቁን የመድረክ የህዝብ ግንኙነት ምንጮች ገልጸዋል ሲል ሪፖርተራችን አስታውቋል።

Share