Logo

ዶክተር ነጋሦ ጊዳዳ ለአንድነት ለዴሞክራሲና ፍትህ ፓርቲ ሊቀመንበርነት ተመረጡ

Dr Negaso Gidada
December 13, 2011

ዶክተር ነጋሦ ጊዳዳ ቃለ መሃላ ከፈጸሙ ባሁዋላ ባደረጉት አጭር ንግግር፣ ድርጅታቸዉ ላይ የተጋረጡ ያሏቸውን አበይት ነጥቦች አንስተዋል። አንድነት ለዴሞክራሲና ለፍትህ ፓርቲ በአደረጃጀት፣ በሰዉ ኃይልና በገንዘብ ደካማ መሆኑን ጠቁመዉ እንዲጠናከርም ተግተዉ ለመሥራት ቃል ገብተዋል።

መንግስት የፓርቲያቸዉ አመራር አባላት የሆኑ ንጹሐን ዜጎችን በአሸባሪነት ሽፋን ወንጅሎ ሰላማዊ እንቅስቃሴ ለማፈን እያደረገ ነው፤ ያሉትን ሩጫ እንደሚቃወሙ ገልጸዉ፤ ያሠራቸዉን የአመራር አባላት በፍጥነት እንዲፈታ ጠይቀዋል።

ኢህአዴግ የፖለቲካ ምህዳሩን መቆጣጠሩን ከቀጠለና በአገሪቱ ፓለቲካ ተቃዋሚዎችን ካላሳተፈ ሕዝቡ መብቱን ለማስከበር መነሳቱ አይቀርም ብለዋል ዶክተር ነጋሦ። ፓርቲያቸዉ አንድነት ከሌሎች «ሃቀኛ፤» ተቃዋሚ ከሚላቸዉ ድርጅቶች ጋር ያከናዉናቸዉ ተግባራት አኩሪ መሆናቸዉን ተናግረዉ፣ በፖለቲካ ኢኮኖሚያዊና ማህበራዊ ችግሮች መፍትሔ ዙሪያ ከእነዚህ ድርጅቶች ጋር መሥራት እንደሚቀጥል ቃል አመልክተዋል። 

source VOA

Share

One comment on “ዶክተር ነጋሦ ጊዳዳ ለአንድነት ለዴሞክራሲና ፍትህ ፓርቲ ሊቀመንበርነት ተመረጡ

Comments are closed