Logo

የመስቀል አደባባይ ቦሌ መንገድ ሙሉ በሙሉ ለትራፊክ ክፍት ሆነ

May 22, 2013

New Bole Roadአዲስ አበባ ፣ ግንቦት 14 ፣ 2005 (ኤፍ ቢ ሲ) ለአፍሪካ ህብረት 50ኛ አመት የምስረታ በአል አገልግሎት እንዲሰጥ በርብርብ  ሲሰራ የነበረው ከመስቀል አደባባይ ቦሌ ድልድይ ድረስ ያለው አስፋልት መንገድ ለትራፊክ ሙሉ በሙሉ ክፍት ሆነ ።

መንገዱን ለዕንግዶች የተመቸ ለማድረግና የትራፊክ መጨናነቅ እንዳይፈጠርም  ፥ በደንበልና ወሎ ሰፈር ድልድዮች ከላይና ከውስጥ ወይም  በዋሻ ከዛሬ ጀምሮ ምንም አይነት ተሽከርካሪ ማቆም እንደማይቻል የአዲስ አበባ መንገዶች ባለስልጣን አሳስቧል።

ታክሲዎች  በመስቀል አደባባይ እስከ ቦሌ ድልድይ ተሳፋሪዎቻቸውን ለመጫንና ለማውረድ ብቻ እንደተፈቀደላቸው አውቀው ለረጀም ሰአት እንዳይቆሙም ነው ባለሰልጣኑ ያሳሰበው።

ከመስቀል አደባባይ እሰከ ቦሌ ድልድይ ድረስ የመንገድ መብራቶች በጊዜያዊነት የተተከሉ ሲሆን ፥ የአህጉሪቱ ህብረት የምስረታ በዓል ከተጠናቀቀ በኋላ ከውጭ እየገቡ ያሉት ቋሚ የመንገድ መብራቶች የሚተከሉ ይሆናል።

ደምበል አጠገብ የሚገኘው ድልድይ ማቋረጫ ውስጥ የአህጉሪቱን ገጽታ በሚያስተዋውቁ በተለያዩ መብራቶች አሸብርቀዋል።

ከሚሊኒየም አዳራሽ ፊት ለፊት የሚገኘውና ንብረትነቱ የኢትዮጵያ አየር መንገደ የሆነው ሰፊ ግቢ ለመኪና ማቆሚያነት እንዲያገለግል የአዲስ አበባ መንገዶች ባለስልጣን የመደልደል ስራ እየሰራ ነው።

– Fana Broadcasting

Share