Logo

የሙስሊሞች ፖለቲካዊ ጥያቄዎችና ፖለቲካዊ መፍትሔዎች

August 12, 2013

ሰይድ እንድሪስ በ1976 ዓ.ም. ከወሎ ወደ አፋር ባቀናበት ወቅት ራሳቸውን ‘ውሃቢ’ በማለት የሚጠሩ ሙስሊሞች ማግኘቱን ይገልጻል፡፡

በወሎ ያቀሩት ሼክና ያደገበት አካባቢ ለዘመናት የተከተሏቸውን እሴቶች ለመቀያየር ያስባል የተባለውን አስተምህሮ ሰይድና መሰል ወጣቶት ሳያውቁት በሥጋት ያዩት እንደነበርም ያስታውሳል፡፡ ‹‹አብዱል ውሃቢን ሁለት መጻሕፍት ያነበብኩት ያኔ ነበር፡፡

በእውነት ውስጡ ያገኘሁት የማይመች ሐሳብ አልነበረም፡፡ እናም ውሃቢ ከአደግኩበት የሱፊ አስተምህሮት በምን ይለያል? ለሚለው ጥያቄ መልስ አልነበረኝም፤›› ሲል ሰይድ በወቅቱ የተሰማውን ስሜት ያንፀባርቃል፡፡ ሰይድ ከአፋር ወደ ወሎ ለመመለስ በተነሳ ጊዜ ‘ውሃቢዎቹ’ የያዘውን ቁርአን እንዲሰጣቸው ይጠይቁታል፡፡ የሰይድ ምላሽ፣ ‹‹ቅዱስ ቁርአንን የመሰለ ነገር ለ‘ውሃቢ’ አልሰጥም›› የሚል ነበር፡፡ ሰይድ በዚያው ዓመት የተሻለ ትምህርት ለማግኘት ሱዳን መግባቱን ይናገራል፡፡ ‹‹በሱዳን ቆይታዬ እንዲሁም ከአራት ዓመታት ቆይታ በኋላ ወደ ሳዑዲ ዓረቢያ ሳቀና አንድ ነገር ግልጽ ሆነልኝ፡፡ ‘ውሃቢ’ በማለት የሚጠሩት የያኔው የአፋር ሙስሊሞች ውሃቢ ወይም ሰለፊ አልነበሩም፡፡ የእኔ አቅሪ (አስተማሪ) የነበሩት ሼክም ሱፊ አልነበሩም፡፡ ሼኩ የቅዱስ ሰዎችን መቃብር መጎብኘት አግባብ እንዳልሆነ ይናገሩ ነበር፡፡
እንደ ዳና ባሉ የመውሊድ ማክበሪያ ቦታዎች አይገኙም ነበር፡፡ ዱአ (ፀሎት) ለማድረግ ጥቅም ላይ የሚውሉት የመንዙማና መሰል ማጀቢያን ይቃወሙ ነበር፡፡ በአጭሩ ከቁርአንና ከሐዲስ ውጪ የሆኑ ነገሮችን መፈጸም አይጠቅምም ሲሉ ያስተምሩ ነበር፡፡ ለዚህ ትምህርታቸው የሰጡት ስም አልነበረም፡፡ ይሁንና የሱፊው ሼህ የሚቃወሙትን ነገር ሁሉ የአፋር ‘ውሃቢዎች’ ግን ይፈጽሙት ነበር፤›› በማለትም በወቅቱ የተፈጠረበትን ተቃርኖ ይተርካል፡፡

ሙሉ ጽሁፉን ለማንበብ እዚህ ይጫኑ (ሪፖርተር)

Share